Pirs: Di hedîseke ku di berhemên fiqhê de wiha derbas dibe: “Kesê ku çar rek‘et sunetên berî limêja nîvro terk bike, mehdervaniya min nagihîjê” (Bnh. Îbn Abidîn, 2/14). Gelo hedîs sehîh e?
Bersiv: Mîna ku we jî diyar kir, ev riwayet ne di çavkaniyên hedîsê de bêhtir di yên fiqhê de derbas dibe. Riwayeta tê diyarkirin ku Pêxembrê me gotiye wiha ye:
مَنْ تَرَكَ الْأَرْبَعَ قَبْلَ الظُّهْرِ، لَمْ تَنَلْهُ شَفَاعَتِي
“Kesê ku çar rek‘et sunetên berî limêja nîvro terk bike, mehdervaniya min nagihîje wî kesî.”[1]
Îmam Zeyleî di berhema xwe ya bi navê Nesbu’r-Raye ya ku hedîsên di el-Hidaye ya ku ji çavkaniyên sereke yên mezhebê Henefî ye vedikole, cih daye vê riwayetê; ew bi awayê “xerîbun cidden” wesifandiye û behsa tu rawiyekî di zincîra riwayetê de nekiriye.[2]
Îbn Hacer el-‘Esqelanî jî di berhema xwe ya bi navê ed-Diraye de ya ku hedîsên pirtûka el-Hidaye vedikole di derbarê vê riwayetê de gotiye ku: “Min ew (çavkaniya wê) nedîtiye.”[3]
Her wiha hatiye neqilkirin ku Îmam Newewî jî gotiye: “Eslê vê riwayetê tune ye.”[4]
Bi kurtasî di enacamê de ev riwayet ji aliyê ‘ilmê hedîsê ve, ne pêkan e ku meriv wê bike delîl.
Ya meriv jê berpirsyar e, kirina limêjên ferz in. Kesê limêjên sunet bike, dibe xwedî xêr; lê kesê neke jî pê nakeve gunehkariyê.
Ji bo temaşekirina bersivên me yên bi awayê dîmenî, ji kerema xwe re serî li lînkên jêr binihêrin:
http://www.fetva.net/goruntulu-fetvalar/sunnet-namazlari-peygamberimize-allah-mi-emretmistir.html
