Pirs: Ma hedîseke bi vî awayî “Kesê ku li cem stranbêjekê rûnê û kilam an jî stranekê jê bibihîse, roja qiyametê dê paxirê helandî berdin guhê wî.” heye? Ger hebe jî ma sehîh e?
Bersiv: Di hin çavkaniyan de ev riwayet wiha dibore:
من جلس إلى قينة يسمع منها صب في أذنيه الآنك يوم القيامة
“Kesê ku li ba stranbêjekê rûnê û jê kilamekê bibihîse, dê roja qiyametê paxir berdin guhê wî.”[1]
Ev riwayeta ku di çavkniyên hedîsê yên sehîh de nabore, ji aliyê zanyarên ‘ilmê hedîsê ve bi awayê “mewzû/derewîn” hatiye nirxandin. Her wiha hatiye qeydkirin ku ji alimên hedîsê yên mezin Îmam Ehmed kurê Henbel jî di derbarê vê riwayetê gotiye ku “batil”e.[2]
Ji ber vê yekê bi spartin û îtimada li ser vê riwayeta ku tu esl û binyadek jê re tune ye, meriv nikare bibêje ku kesê li dengê stranbêjekê guh bidêre, dê roja qiyametê paxir berdin guhê wî.
http://www.fetva.net/yazili-fetvalar/kadin-sesi-haram-midir.html
Hûn dikarin agahiyên berfirehtir di derbarê cihê muzîkê, guhdarkirin û gotina muzîkê di kîjan rewşan de caiz e, ji nivîsa di lînka jêr de ye bidest bixin:
http://www.fetva.net/yazili-fetvalar/islama-gore-muzik-ve-ilahi-icra-etme-ve-dinleme-caiz-midir.html
