Ma mirov dikare bi pêlavê nimêj bike?
Fetwayen Kurdi > Fetwayên Nivîskî > Nimêj Tarih: 06 Şubat 2019

Pirs: Ma Pêxemberê me bi pêlavê nimêj kiriye?

Bersiv: Belê, Pêxemberê me (s.a.w) bi pêlavê nimêj kiriye. Lewra di wê demê de binê Mescida Nebî, wekî roja me bi xaliyan neraxistîbû; zemîna mizgeftê bi ax û ber bû. Ji ber vê yekê dema mirov li cihekî bi ax an jî bi xîç nimêj bike, ne lazim e ku pêlava xwe derxe. Mirov dê binêre ka pîsîtiyek bi solê ve heye an na. Gava pîstiyeke ku bibe asteng ji bo kirina nimêjê pê ve hebe, dê were qajijkirin û piştre bi solê nimêj were kirin. Van hedîsên li jêr vê yekê destnîşan dikin:

Li gorî ku ji Ebû Mesleme (x.j.q) hatiye ragihandin wî, wiha gotiye: “Min ji Enesê kurê Malik pirsî: Ma Pêxemberê me bi pêlavê nimêj dikir? Enes got ku: Belê.” (Buxarî, Selat, 24)

Tirmizî jî di kitêba xwe de cî daye vê hedîsê û wiha gotiye: “Alim, bi vê hedîsê emel dikin.” (Tirmizî, Selat, 181)

‘Ebdullahê kurê Mesûd wiha gotiye: “Bê guman, me dît ku Resûlullah bi pêlav û xufikan nimêj dikir.” (Ebû Dawûd, Selat, 88; Îbn Mace, Îqametu’s-Selat, 66)

Ebû Seîd el-Xudrî wiha gotiye: “Resûlullah li pêşiya sehabiyan nimêj kir, sola xwe derxist û danî aliyê xwe yê çepê. Dema cemaetê dît, wan jî solên xwe derxistin. Gava Resûlullah nimêja xwe xelas kir ji cemaetê pirsî: ‘We çima pêlavên xwe derxistin?’ (Gotin:) ‘Me dît ku te derxist (ji lewra) me jî derxist.’ Li ser vê yekê Resûlullah wiha kerem kir:

‘Cebraîl hat û ez agahdar kirim ku bi pêlava min ve pîsîtî heye.’ (Gotina xwe berdewam kir) Gava yek ji we hat mizgeftê, bila li pêlava xwe binêre, heke nepaqijî pê ve hebe bila jê bibe û bi pê nimêj bike.” (Ebû Dawûd, Selat, 88)

Şeddadê kurê Ews, ji bavê xwe (Ews) radigihîne ku: “Resûlullah wiha kerem kiriye: Wekî Cihûyan mekin. Lewra ew bi pêlav û xufikan nimêj nakin (hûn bikin).” (Ebû Dawûd, Selat, 88)

Hevoka “hûn bi pêlavan bikin” ya di vê hedîsê derbas dibe, ne di wateya fermanê de; bi mena serbestiyê ye. Alimên gotine bi şertê ku paqij be hem bi pêlav hem jî pêxas nimêj tê kirin. Di vê babetê de mirov serbest e. Rastiya vê yekê ji kirinên Pêxember (s.a.w) derdikeve holê. Lewra wî, hin caran bi pêlav, hin caran jî pêxas nimêj kiriye. (Ebû Dawûd, Selat, 88).

Facebook'ta PaylaşTwitter'da Paylaş
Bu Kategorideki Diğer Yazılar:
Sıra     Başlık Tarih    Okunma    
1 Ma rast e ku “jina bêhn di xwe dabe, heta xusla xwe raneke nikare nimêj bike” 10.01.19 84
2 Xwendekarên dibistanê dê nimêjên xwe çawa bikin? 15.01.19 78
3 Ma jin dikare îmamtiya jinan bike? 23.01.19 70
4 Mirov di kîjan rewşan de dikare peya nimêj bike? 24.01.19 54
5 Mirov di demên kar de dê nimêjên xwe kengî bike? 25.01.19 56
6 Ma nabe ku karkerên me nimêjên xwe bihêlin qezayê? 28.01.19 50
7 Eger piştî nimêjê diyar bibe ku îmam bêdesmêj e dê çi bê kirin? 29.01.19 55
8 Ma qibleya Misilmanan ya ewil Ke‘be yan Beytul-Meqdis bû? 24.12.18 79
9 Dema jin di pêşiya nimêjker re derbas bibe, ma nimêj betal dibe? 30.01.19 50
10 Di nimêja bi cemaetî de ma şert e ku mirov bibêjê “tebayî îmamê hazir” 25.12.18 89
11 Da ku bikaribim rabim nimêja sibehê divê ez çi bikim? 31.01.19 48
12 Di nimêja bi cemaetî de divê cemaet kengî silavê bide? 26.12.18 107
13 Ez nikarim xwe bi tevahî bidim nimêjê. Divê ez çi bikim? 01.02.19 55
14 Ma hilkirina milan di nimêjê de mekrûh e? 27.12.18 111
15 Ma mirov dikare bi pêlavê nimêj bike? 06.02.19 39
16 Ma jin dikarin bêyî lixwekirina goreyan nimêj bikin? 28.12.18 90
17 Ma mirov dikare bi kincên bi resm nimêj bike? 18.02.19 24
18 Ma em nimêjên xwe yên sunnet li mizgeftê yan li malê bikin? 31.12.18 88
19 Ma nimêja jinan ji ya mêran cuda ye? 19.02.19 21
20 Ma mirov kengî rêwî tê hesabkirin? 03.01.19 74
21 Ma divê em li leşkeriyê çawa nimêj bikin? 20.02.19 15
22 Ma sûreyên di nimêjê de tên xwendin divê li pey hev bin? 08.01.19 79
23 Ma niyeta nimêjê çawa tê anîn? 09.01.19 77