Ma mirov dikare qurbanê bexşî komel û weqfan bike?
Fetwayen Kurdi > Fetwayên Nivîskî > Qurban Tarih: 18 Haziran 2019

Pirs: Bêyî ku mirov qurbana xwe serjê bike û goştê wê bide zarok û efradên malbata xwe -digel ku hewcedariya wan pê heye jî- hin kes qurbanên xwe bexşî weqfekê dikin. Di vî halî de gelo îbadeta qurbanê tê cî? Bi nêrîna min, bexşandina qurbanê bi vî awayî ne di ciyê xwe de ye. Mirov dibêje qey bi zext û kotekiya weqfê karekî wiha tê kirin. Goştê qurbanê yê ku salê carekê bi dest dikeve bi kotekiya “bibexşîne” ji holê radibe û tune dibe.

Bersiv: Ji ber ku serjêkirina qurbanê bi rêya wekaletê caiz e, dema mirov boraqa xwe bexşî weqf an jî komeleyekê bike îbadeta serjêkirina qurbanê tê cî.

Di der barê ka mirov dê goştê qurbanê çawa belav bike de Xwedê Teala wiha feman dike:

Me heywanên qurbanê yên gir ji we re kirine nişanên bendetiya Xwedê. Di wan de ji bo we xêr û bêr heye. Nexwe dema (ji bo şerjêkirinê) rêz bi rêz rawestiyan, navê Xwedê li ser wan bibêjin. Gava ku bi ser kêleka xwe ve ketin (şerjêkirina wan hat cî), êdî jê bixwin û bi yên xwedî ihtiyac û yên ne xwedî ihtiyac jî bidin xwarin. Her wisa Me ew ji we re berdest kirine da ku hûn peywira xwe bînin cî.” (Hecc, 22/36)

Li gorî vê, hem xwediyê qurbanê dê ji goştê wê bixwe, hem jî dê îkramî xizmên xwe –çi yên dewlemend çi jî yên xizan- û cîranên xwe bike. Ji lewre ya baş kesên ku derfeta wan a serjêkirinê hebe, divê li gorî vê tewsiyeyê tev bigerin, digel îstifadekirina ji qurbanê ew bi xwe serjê bikin an jî bi yekî bide serjêkirin. Lê belê malbatên ku îmkanên wan ên maddî di cî de bin û bikaribin du qurbanan serjê bikin, ya baş ku qurbanekê bibexşînin.

Facebook'ta PaylaşTwitter'da Paylaş