Pirs: Ma caiz e mirov li pêşiya mizgeftan bazirganiyê bike? Di derbarê vê mijarê de gelo tu hadîs an jî ayeteke ku tiştekî wiha qedexe bike heye?
Bersiv: Tu ayet an jî hedîseke ku bazirganiya li pêşiya mizgeftan qedexe bike tune ye. Lê belê hatiye ragihandin ku Pêxember (s.a.w) bazirganî/kirîn û firotina di hundirê mizgeftê de qedexe kiriye.[1]
Ji ber vê hedîsa ku di Tirmizî de derbas dibe û dereceya wê “hesen xerîb e”, hin zanyarên Îslamê danûstendina di hundirê mizgeftan de caiz nabînin. Lê belê hin alimên din ji ber ‘illetê di hedîsê de vê kirîn û firotinê caiz dibînin.
Nîşe: Têgeha “hesen xerîb” ya ku Îmam Tirmizî bikar aniye, dide xuyakirin ku ew hedîs ne sehîh û ne ji zeîf e.[2]
